Friday, October 18, 2013

ប្រភេទ​ថ្នាំ​ ​ព្យាបាល​ជំងឺ​រលាក​ក្រពះ

ប្រភេទ​ថ្នាំ​ ​ព្យាបាល​ជំងឺ​រលាក​ក្រពះ

ការព្យាបាល​ជំងឺ​រលាក​ក្រពះ គឺ​អាស្រ័យ​ទៅលើ មូលហេតុ​ច្បាស់លាស់​ណាមួយ​។ ជំងឺ​រលាក​ក្រពះ​ស្រួចស្រាវ ដែល បណ្តាលមកពី ថ្នាំ​បំបាត់​ការឈឺចាប់ ( NSAIDs) ឬ មក​ពី​សុរា អាច​នឹង​ត្រូវ​បាន​ធូរស្រាល​មក​វិញ ដោយ​ការបញ្ឈប់ នូវ​ការប្រើប្រាស់​សារជាតិ​ទាំងនោះ​។ រីឯ ជំងឺ​រលាក​ក្រពះ​រុំ​ា​រ៉ៃ ដែល​មាន​ប្រភព​មក​ពី ការចម្លង រោគ​របស់​ពពួក​មេរោគ H.pylori ជាធម្មតា​ត្រូវបាន​ព្យាបាល  ដោយ​ការ​កំចាត់​បាក់តេរី​ទាំង​នោះ​ចោល​។​ ចំពោះ គម្រោងការ​នៃ​ការព្យាបាល​ជំងឺ​រលាក​ក្រពះ​ភាគច្រើន ក៏​ត្រូវបាន​រួម​សហកា​រ​ផងដែរ ជាមួយនឹង​ឱសថ​ទាំងឡាយ ណា ដែល​ព្យាបាល​ទៅលើ​ជាតិ​អាស៊ី​ត នៅក្នុង​ក្រពះ ដើម្បី​ជួយ​កាត់បន្ថយ​សញ្ញាណ និង រោគសញ្ញា ដែល​អ្នក បាន​ជួបប្រទះ និង ជម្រុញ​ដល់​ការ​ជាសះស្បើយ នៅក្នុង​ក្រពះ​របស់​អ្នក​។​
ឱសថ​ដែល​ប្រើ​សម្រាប់​ធ្វើការ​ព្យាបាល​ជំងឺ​រលាក​ក្រពះ រួមមាន​៖
· ថ្នាំ​អង់​ទី​ប៊ីយ៉ូ​ទិក សម្រាប់​សម្លាប់​មេរោគ H.pylori ។ ប្រសិនបើ​មេរោគ​ប្រភេទ​នេះ ត្រូវបាន​រកឃើញ​នៅ ក្នុង​បំពង់​រំលាយ​អាហារ​របស់​អ្នក នោះ​វេជ្ជបណ្ឌិត​នឹង​ធ្វើ​ការណែនាំ​អ្នក អោយ​ប្រើ​នូវ​សមាសធាតុ នៃ​ថ្នាំ អង់​ទី​ប៊ីយ៉ូ​ទិក ដើម្បី​សម្លាប់​មេរោគ​ទាំងនេះ​។ ប្រភេទ​ក្រុម​នៃ​ថ្នាំ​អង់​ទី​ប៊ីយ៉ូ​ទិក គឺ​មាន​ច្រើន​ប្រភេទ​ផ្សេងៗ គ្នា ដែល​បាន​ប្រើប្រាស់​នៅក្នុង​ពិភពលោក​នេះ​។ នៅក្នុង​សហរដ្ឋអាមេរិក ថ្នាំ​អង់​ទី​ប៊ី​យូ​ទិ​ក ដែល​ត្រូវបាន ចេញ​វេជ្ជបញ្ជា សម្រាប់​ការព្យាបាល​មេរោគ H.pylori រួមមាន​ដូចជា​៖  អា​ម៉ុក​ស៊ី​លីន (Amoxicillin ), ក្លា​រី​ដ្រូ​មី​ស៊ីន (clarithromycin), មេត្រូ​ណីដា​ហ្សូ​ល (metronidazole ) និង តេត្រា​ស៊ីគ្លី​ន ( tetracycline) ។ អ្នក​នឹង​អាច លេប​វា ក្នុង​រយៈពេល​ពីរ​សប្តាហ៍ ដោយ​វា​អាស្រ័យទៅលើ ប្រភេទ និង ចំនួន​របស់​វា​។​
· ឱសថ រាំងខ្ទប់​ដល់​ការផលិត​ជាតិ​អាស៊ីត និង ជម្រុញ​អោយ​មាន​ការ​ជាសះស្បើយ​: ថ្នាំ​រារាំង ប្រូ​តុន Proton pimp inhibitors បាន​ជួយ​កាត់បន្ថយ​នូវ​ជាតិ​អាស៊ីត ដោយ​ការ​រាំងខ្ទប់ សកម្មភាព​នៃ​ផ្នែក​របស់​កោសិកា ដែល មាន​មុខងារ​ផលិត​ជាតិ​អាស៊ីត​។ ប្រភេទ​ថ្នាំ​ទាំងនេះ រួមមាន​ទាំង​ថ្នាំ​ដែល​ត្រូវការ​វេជ្ជបញ្ជា និង ថ្នាំ​ដែល​មិន ចាំបាច់​ត្រូវការ​វេជ្ជបញ្ជា មានដូចជា​៖ អូ​មេ​ប្រា​ហ្សូ​ល (omeprazole),​​​​​​​ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ ​​​​​​​​​​​​​​​    ឡេន​សូប្រា​ហ្សូល(lansoprazole), រ៉ា​បេប្រា​ហ្សូ​ល (rabeprazole ),  អឺ​សូ​មេ​ប្រា​ហ្សូ​ល (esomeprazole ), ឌិ​ចឡង់​សូ​ប្រា​ហ្សូ​ល ( dexlansoprazole )  និង ប៉ង់​តូ​ប្រា​ហ្សូ​ល (pantoprazole ) ។ ការប្រើប្រាស់​ថ្នាំ​ប្រភេទ​ទាំង​នេះ ក្នុង​រយៈពេល​យូរ ជាពិសេស ក្នុង​កម្រិត​ដូស​ថ្នាំ​ខ្ពស់​នោះ  គឺ​អាច​នឹង​បង្កើន​ឱកាស​នូវ​ការ​ប្រឈម​នឹង គ្រោះថ្នាក់​នៃ​ការបាក់ ឆ្អឹងត្រគាក​, កដៃ និង ឆ្អឹងខ្នង​។ អ្នក​អាច​សាកសួរ​វេជ្ជបណ្ឌិត ថា​តើ​ការប្រើប្រាស់​ថ្នាំ​គ្រាប់​កាល់ស្យូម​បន្ថែម អាច​កាត់បន្ថយ​នូវ​ការ​ប្រឈម​នឹង គ្រោះថ្នាក់​នេះ​បាន​ដែរឬទេ​?
· ឱសថ ដែល​ជួយ​កាត់បន្ថយ​នូវ ការផលិត​ជាតិ​អាស៊ី​ត : ថ្នាំ​រាំងខ្ទប់​នូវ​ជាតិ​អាស៊ី​ត ឬ ត្រូវបាន​គេ​ហៅ ម្យ៉ាង​ទៀត​ផង​ដែរ​ថា ( H-2) blockers បាន​ជួយ​ធ្វើ​ការកាត់បន្ថយ​នូវ​ចំនួន នៃ​ជាតិ​អាស៊ី​ត ដែល​ត្រូវបាន បញ្ចេញ​ទៅក្នុង​បំពង់​អាហារ​របស់​អ្នក ដែល​វា​អាច​ជួយ​ធ្វើអោយ​ភាពឈឺចាប់​នៃ ការ​រលាក​ក្រពះ​នេះ មាន​ភាព​ធូរស្រាល និង ជម្រុញ​អោយ​វា​ឆាប់​មានការ​ជាសះស្បើយ​។ វា​មាន​ដាក់លក់​ទាំង​ក្នុង​ទំរង់​ជា ឱសថ​ដែល​ត្រូវការ​វេជ្ជបញ្ជា ឬ ក៏​មិន​ចាំបាច់​ត្រូវការ​វេជ្ជបញ្ជា​នោះទេ​។ ប្រភទ​ថ្នាំ​ទាំងនេះ រួមមាន​ដូចជា​៖  រ៉ានី​ទី​ឌី​ន (ranitidine ), ហ្វា​ម៉ូទី​ឌីន ( famotidine), ស៊ី​មេ​ទី​ឌី​ន (cimetidine )      និង នី​ហ្សា​ទី​ឌី​ន ( nizatidine )​។​
· ឱសថ​ប្រឆាំង​ជាតិ​ស៊ីត ដែល​ជួយ​បន្សាប​ដល់​ជាតិ អាស៊ីត​នៅក្នុង​ក្រពះ​​  វេជ្ជបណ្ឌិត អាច​នឹង​បន្ថែម​នូវ ថ្នាំ​ប្រឆាំង​ជាតិ​អាស៊ីត ទៅ​ក្នុង​ប្រភេទ​ថ្នាំ​ដែល​អ្នក​ត្រូវ​ប្រើប្រាស់​។ ថ្នាំ​នេះ អាច​ជួយ​បន្សាប​ជាតិ​អាស៊ីត ដែល មាន​នៅក្នុង​ក្រពះ និង អាច​ធ្វើអោយ​ការឈឺចាប់​មាន​ភាព​ធូរស្បើយ​។ ផល​រំខាន​របស់​វា អាច​មាន​ដូចជា​៖ ទល់​លាមក ឬ រាគ គឺ​អាស្រ័យ​ទៅលើ​ធាតុ​ផ្សំ​សំខាន់​របស់​វា

យល់ដឹងពីជំងឺទឹកនោមផ្អែម

យល់ដឹងពីជំងឺទឹកនោមផ្អែម

អាំង​ស៊ុយ​លីន​និង​ទំនាក់ទំនង​ជាមួយ​ជំងឺ​ទឹកនោម​ផ្អែម​

អាំង​ស៊ុយ​លីន​គឺជា​អ័រម៉ូន​ដែល​ត្រូវបាន​បង្កើតឡើង​នៅ​ក្នុង​កោសិការ​ ពិសេស​របស់​លំពែង​។ អ័រម៉ូន​មួយ​នេះ​គឺជា​សារធាតុ​គីមី​មួយ​ប្រភេទ​ដែល​ត្រូវបាន​បង្កើតឡើង​នៅ​ ក្នុង​ផ្នែក​មួយ​របស់​រាង្គ​កាយ សម្រាប់​បញ្ចូល​ទៅក្នុង​ចរន្ត​ឈាម និង​សម្រាប់​អោយ​សរីរាង្គ​ផ្សេងៗ​ក្នុង​រាង្គ​កាយ​បាន​ប្រើប្រាស់​។
អ័រម៉ូន​អាំង​ស៊ុយ​លីន​គឺជា​តម្រូវការ​ជា​ចាំបាច់​ដូច្នេះ​សរីរាង្គ​របស់ ​ រាង្គ​កាយ​អាច​ប្រើ​គ្លុយកូស​សម្រាប់​បង្កើត​ទៅជា​ថាមពល​បាន​។ បើ​គ្មាន​អាំង​ស៊ុយ​លីន​ទេ ឬ​នៅ​ពេល​អាំង​ស៊ុយ​លីន​មិន​អាច​ធ្វើការ​បាន​ល្អ នោះ​គ្លុយកូស​នឹង​កើត​ឡើង​ខ្ពស់​ក្នុង​ឈាម និង​បង្ក​អោយមាន​កម្រិត​គ្លុយកូស​ក្នុង​ឈាម​ឡើង​ខ្ពស់​។ អ័រម៉ូន​អាំង​ស៊ុយ​លីន​គឺជា​ម៉ូលេគុល​ប្រូតេអ៊ីន​មួយ​ប្រភេទ​។ វា​មាន​ប្លុក​សាងសង​តូចៗ​ចំនួន ៥១ ដែល​មានឈ្មោះ​ថា អាស៊ីតអាមីណេ​។ អាំង​ស៊ុយ​លីន​មាន​ច្រវាក់​ចំនួន​២​។ ច្រវាក់​A ផ្ទុក​ទៅដោយ​អាស៊ីតអាមីណេ​ចំនួន​២១ ចំនែក​ច្រវាក់​B ផ្ទុក​ទៅដោយ​អាស៊ីតអាមីណេ​ចំនួន​៣០​។ ច្រវាក់​ទាំងពីរ​នេះ​ត្រូវបាន​ត​ភ្ជាប់​គ្នា​។
ក្រោយ​ពី​មូលី​គុល​អាំង​ស៊ុយ​លីន​ត្រូវបាន​បង្កើតឡើង​នៅ​ក្នុង​លំពែង វា​ត្រូវ​បាន​បញ្ចេញ​ចូលទៅ​ក្នុង​ចរន្តឈាម និង​ធ្វើ​ដំណើរ​ទៅកាន់​សរីរាង្គ​ផ្សេងៗ​នៅក្នុង​រាង្គ​កាយ​។ នៅពេល​មូលេ​គុ​លអាំង​ស៊ុយ​លីន​ទៅដល់​សរីរាង្គ​មួយ អាំង​ស៊ុយ​លីន​នោះ​នឹង​ទៅ​ភ្ជាប់​ខ្លួន​វា​ទៅ​នឹង​កន្លែង​ទទួល​អាំង​ស៊ុយ​ លីន (Receiver) នៅ​ផ្នែក​ខាង​ក្រៅ​របស់​កោសិកា​សរីរាង្គ​។ ចូរ​គិតថា​អាំង​ស៊ុយ​លីន​ប្រៀបដូចជា​កូនសោរ​មួយ​។ កន្លែង​ទទួល​អាំង​ស៊ុយ​លីន​នៅលើ​កោសិការ​ប្រៀបដូចជា​មេ​សោរ​។ នៅពេល​កូនសោរ​អាំង​ស៊ុយ​លីន​វា​ចាក់​ត្រូវ​នឹង​កន្លែង​ទទួល​អាំង​ស៊ុយ​លីន វា​នឹង​ធ្វើអោយ​មេសោរ​នោះ​បើកទ្វារ​សោរ​ក្នុង​ជញ្ជាំង​កោសិការ​នោះ​ដើម្បី​ អោយ​ម៉ូលេគុល​គ្លុយកូស​អាច​ចូល​ទៅ​ទៅ​ខាង​ក្នុង​កោសិការ​បាន​។ នេះ​គឺជា​អ្វីដែល​ធ្វើអោយ​ជញ្ជាំង​កោសិការ​អនុញ្ញាត​អោយ​គ្លុយកូស​ចូល​ទៅ​ ក្នុងកោសិ​ការបា​ន​។ អាំង​ស៊ុយ​លីន​អនុញ្ញាត​អោយ​គ្លុយកូស​ចូលទៅក្នុង​កោសិកា​របស់​សាច់ដុំ​ ដើម្បី​បង្កើត​ជា​ថាមពល​នៅពេល​ហាត់ប្រាណ​។ សរីរាង្គ​ផ្សេងៗ​ទៀត​ដែល​ត្រូវការ​អាំង​ស៊ុយ​លីន​ក្នុង​បំណង​ធ្វើការ​ជារ​ កោសិការ​ខ្លាញ់ និង​កោសិការ​ថ្លើម​របស់​យើង​។
អាំង​ស៊ុយ​លីន​ដើរតួរ​នាទី​មាន​ប្រយោជន៍​ផ្សេងៗ​ទៀត​នៅក្នុង​រាង្គ​កាយរ​ បស់ ​យើង​។ វា​ជួយ​បំលែង​អាហារ​ដែល​យើង​ទទួល​ទាន​ទៅជា​ខ្លាញ់ និង​ប្រូតេអ៊ីន​។ ក្រោយ​មក​យើង​អាច​រក្សា​ខ្លាញ់​នោះ​ដើម្បី​ប្រើប្រាស់​ជា​ថាមពល​បាន​ទៀតផង ហើយ​យើង​ប្រើ​ប្រូតេអ៊ីន​ដើម្បី​បង្កើត​ភាពរឹងមាំ និង​រាង្គ​កាយ​មាន​សុខភាព​ល្អ​។ អាំង​ស៊ុយ​លីន​ក៏​ជួយ​ធ្វើអោយ​កម្រិត​ជាតិ​ខ្លាញ់​ក្នុង​ចរន្តឈាម​ ស្ថិតក្នុង​សភាព​ធម្មតា​បានដែរ​។
ការ​ដេក​និង​ស្ត្រេ​ស​ប៉ះពាល់​ដល់​ការព្យាបាល​ជំងឺ​ទឹកនោម​ផ្អែម​ដែរ​ទេ​?
មាន​អំណះអំណាង​មួយ​បាន​អោយដឹងថា អ្នក​ដែល​មាន​បញ្ហា​កង្វះ​ដំណេក​រ៉ាំរ៉ៃ​តែងតែ​ញ៉ាំ​ច្រើន និង​ឡើង​ទម្ងន់ នេះ​សបញ្ជាក់​អោយឃើញ​ថា​ការ​ដេក​អាចជា​រឿង​សំខាន់​សម្រាប់​គ្រប់គ្រង​ជំងឺ​ ទឹកនោម​ផ្អែម​។ វា​ពិតជា​មាន​ទំនាក់ទំនង​ខាង​ជីវៈសាស្ត្រ​រវាង​ស្ត្រេ​ស និង​ការគ្រប់គ្រង​ជំងឺ​ទឹកនោម​ផ្អែម​។ កម្រិត​អ័រម៉ូន​ស្ត្រេ​ស​ដូច​ជា Cortisol និង Epinephrine នឹង​ឡើង​ខ្ពស់​នៅ​ពេល​ពួកគេ​ស្ត្រេ​ស ហើយ​យើង​ដឹងថា អ័រម៉ូន​ទាំងនោះ​ទំនង​ជា​ធ្វើអោយ​ជាតិ​ស្ករ​ក្នុង​ឈាម​ឡើង​ទៀតផង​។​
ជាមួយគ្នានេះដែរ វា​ក៏​មាន​ការពិបាក​សម្រាប់​អ្នក​ផ្តោតអារម្មណ៍​លើ​ការគ្រប់គ្រង​ជំងឺ​ ទឹកនោម​ផ្អែម​របស់​ពួកគេ​ដែរ នៅពេល​កំពុង​តែ​មាន​បញ្ហា​នៅ​កន្លែងធ្វើការ បញ្ហា​គ្រួសារ ឬ​ស្ត្រេ​ស​ផ្សេងៗ​ទៀត​។​
នៅ​តាម​ មន្ទីរពេទ្យ និង​ការិយាល័យ​គ្រូពេទ្យ​ជាច្រើន​សុទ្ធតែ​មាន​កម្មវិធី​អប់រំ​ខាង​ជំងឺ​ ទឹកនោម​ផ្អែម​ដែល​វា​នឹង​ជួយ​ដល់​មនុស្ស​យល់ដឹង​ពី​វិធី​គ្រប់គ្រង​ជំងឺ​នេះ ​។ ចូរ​ព្យាយាម​ប្រើ​វិធី​កាត់បន្ថយ​ស្ត្រេ​ស និង​ហាត់ប្រាណ​អោយបាន​ច្រើន​៕
អ្នកជំងឺទឹកនោមផ្អែម​គួរ​កម្រិត​ការ​ទទួលទាន​បាយ​
តាម​គោលការណ៍ ទូទៅ គេ​បាន​ណែនាំ​អោយ​អ្នក​កើត​ជំងឺ​ទឹកនោម​ផ្អែម គួរ​រឹតត្បិត ការទទួល​យកជាតិ កាបូន​អ៊ី​ដ្រាត​ដែល​មាន​នៅក្នុងបាយ​មក​នៅត្រឹម ចំនួន ២៥%​ក្នុង​មួយ ពេល ដោយ​៥០%  ទទួលបាន​ពី​បន្លែ ផ្លែឈើ​និង ២៥% ទៀត​បាន​មក​ពី  អាហារ​ដែល​មាន​ជាតិ​ប្រូតេអ៊ីន​ច្រើន ដូចជា ត្រី សាច់ និង ស៊ុត​។​
ទោះ​យ៉ាងនេះ​ក្ដី​ជាតិ កាបូ​ន អ៊ី​ដ្រាត​មិន​ដូចគ្នា​ទាំងអស់​ទេ ។ ឧទាហរណ៍ ជាតិ​កាបូន​អ៊ី​ដ្រាត នៅក្នុង​បាយ​ត្រូវបាន​រំលាយ​និង ជ្រាបចូល​យ៉ាង​លឿន​ទៅ​ក្នុង ខ្លួន និង​ធ្វើអោយ​ជាតិ​ស្ករ នៅក្នុង ឈាម ឡើង​ខ្លាំង ឯ ជាតិ​កាបូន​អ៊ី​ដ្រាត​នៅក្នុង​មី ឬ គុយទាវ​វិញ ត្រូវបាន​រំលាយ​និង​ជ្រាប​ចូលទៅ ក្នុង​ខ្លួន​យឺត​ជាង​។ ដូច្នេះ​អ្នក​កើត​ជំងឺ​ទឹកនោម​ផ្អែម គួរ​ចៀសវាង​នូវ​អាហារ​ដែល​មាន​ស​ន្ទ​ស្សន៍​ជាតិ​ស្ករ​ខ្ពស់​។ ដោយហេតុ​ថា ស​ន្ទ​ស្សន៍​នេះ​បង្ហាញថា​តើ​ប្រភេទ​អាហារ​ផ្សេងៗ​នឹង​ត្រូវ​រំលាយ​និង​ ជ្រាប​ចូលទៅក្នុង​ខ្លួន​លឿន​ប៉ុណ្ណា​នោះ វា​ត្រូវ​បាន​គេ​ប្រើ​សំរាប់​ស្មាន​នូវ​ឥទ្ធិពល​នៃ​អាហារ​មកលើ​ជាតិ​ស្ករ​ នៅក្នុង​ឈាម​។​
​ទស្សនាទាន​សម្រាប់​ស​ន្ទ​ស្សន៍​ដែល ចំណាត់​ថ្នាក់​អាហារ​ផ្សេងៗ ត្រូវបាន​បង្កើតឡើង​ដោយ​ក្រុម​មួយ ដែល​ដឹកនាំ​ដោយ David Jen Kin ដែលជា​អ្នក ឯកទេស​អាហារ​រូបត្ថ​ម្ភ  កាណាដា​នៅ​សកល​វិទ្យាល័យ តូ​រ៉ុង​តូ កាលពី​ឆ្នាំ ១៩៨១ ។ នៅពេល​ដែល​ស​ន្ទ​ស្សន៍ នោះ​បាន​បង្កើតឡើង គេ​សន្មត់​ថា គ្លុយកូស​សុទ្ធ ត្រូវបាន​រំលាយ និង ជ្រាបចូល​ក្នុង​ខ្លួន​លឿន​ជាង​អាហារ​ដទៃ ទៀត ដែល​មាន​ជាតិ កាបូន​អ៊ី​ដ្រាត ។ ដូច្នេះ​គ្លុយកូស​ក៏​ត្រូវ​កំណត់​ថា​មានតម្លៃ ១០០ ។ ប៉ុន្ដែ​ចាប់តាំងពី​ពេល នោះ​មក​គេ​រក ឃើញថា កាបូ​ន អ៊ី​ដ្រាត​បានមក​ពី​អង្ករ​ផ្កាម្លិះ មានតម្លៃ ស​ន្ទ​ស្សន៍​ជាតិ​ស្ករ​១០៩  ពីព្រោះ​វា​ត្រូវ​បាន​ជ្រាប ចូល​ក្នុង​ខ្លួន លឿន​ជាង​គ្លុយកូស​សុទ្ធ​ទៅទៀត ហើយ​មាន​ផល​ប៉ះពាល់​ទៅលើ​កម្រិត ជាតិ​ស្ករ​នៅក្នុង ឈាម​ខ្លាំង​ជាង    ។   ករណី​ដូច​គ្នា​នេះ​កើត​មា​ចំពោះ   ម៉ាល់​តូស​ដែល​ជាឌី​សាកា​រីត ផលិតឡើង​ជា​ផ្នែក​មួយ នៃ​ការផលិត​ស្រា​បៀរ ដែល​មាន​តម្លៃ​ស​ន្ទ​ស្សន៍​ជាតិ​ស្ករ​១០៥ ។ តម្លៃ​ស​ន្ទ​ស្សន៍​ជាតិ​ស្ករ នៃ​ប្រភេទ​អាហារ ផ្សេងៗ​ក្នុង​ក្រុម​តែមួយ ដូចជា អង្ករ និង ដំឡូង អាច​ខុសប្លែកគា្ន​ជាខ្លាំង ។ ការប្រែប្រួល​ដទៃ​ទៀត​អាច បណា្ដ​ល​មកពី ការ​ទុំ ឬក៏ របៀប ចម្អិន​អាហារ និង អ្វី​ដែល​យក​មក​បរិភោគ​ជាមួយ​វា ។ ឧទាហរណ៍ បាយ​មានតម្លៃ​ស​ន្ទ​ស្សន៍​ជាតិ​ស្ករ ខ្ពស់​ជាង​បាយ​ដែល​បរិភោគ​ជាមួយ​អាហារ​ដទៃ​ទៀត​ដូចជា  ត្រី  ។  ដូច្នេះ​គេ អោយ​យោបល់​ថា​អ្នកជំងឺ​ទឹក នោម​ផ្អែម​មិន​ត្រូវ​បរិភោគ​អាហារ​ដែល​សម្បូរ​កាបូន​អ៊ី​ដ្រាត​មួយ​មុខឡើយ ៕​
អ្នកជំងឺ​ទឹកនោមផ្អែម​ត្រូវ​ចេះ​ថែទាំ​ជើង​ដើម្បី​ចៀសវាង​ពិការភាព​:
​អ្នក​ដែល​មាន​ជំងឺ​ទឹកនោម​ផ្អែម​ត្រូវការ​ការថែទាំ​បន្ថែម​ត្រង់​ជើង​ របស់​ ពួកគេ​, ជា​ពិសេស​ប្រសិនបើ​អ្នក​មាន​ជំងឺ​មាន​ការខូចខាត​សរសៃវិញាណ​ខាងៗ និង​មាន​លំហូរ​ឈាម​ខ្សោយ​ទៅ​ចិញ្ចឹម​ជើង​។ ប្រសិនបើ​អ្នក​មិន​យកចិត្តទុកដាក់​នោះទេ​, សូម្បី​តែ​បញ្ហា​ជើង​ដ៏​តូច​មួយ​ក៏​អាច​ក្លាយជា​រឿង​ធ្ងន់ធ្ងរ​ផងដែរ​។ ដោយ​ធ្វើការ​ជាមួយ​គ្រូពេទ្យ​, អ្នក​អាច​រៀន​ថា​តើ​ការពារ​ជើង​របស់​អ្នក​ពី​ការខូចខាត និង​អោយ​មាន​សុខភាព​ល្អ​ដោយ​របៀប​ណា​បាន​។​
ជំងឺ​សរសៃវិញាណ​កំពុងតែ ​រុករាន​អ្នក​ដែល​មាន​ជំងឺ​ទឹកនោម​ផ្អែម​ពីព្រោះ​ការបាត់បង់​នូវ​អារម្មណ៍​ ដែល​ត្រូវ​បាន​បង្កឡើង​ដោយ​ជំងឺ​នោះ​អាច​ធ្វើអោយ​អ្នក​មាន​របួស​តូច​នៅ​នឹង​ ជើង​របស់​អ្នក​។ ប្រសិនបើ​អ្នក​មាន​ជំងឺ​សរសៃឈាម​ខាងៗ​ផង​ដែរ​នោះ​, វា​ជា​រឿង​ពិបាក​ទោះជា​បញ្ហា​តូចតាច​ក៏ដោយ ដូចជា​ពងទឹក​ដើម្បីអោយ​ជារ​សះស្បើយ​នោះ​។ ជា​ការពិត​ណាស់​, សូម្បី​តែ​របួស​តិចតួច​ដូចជា​ការរំខាន​ដោយ​ការ​មិន​រីកលូតលាស់​នៃ​ក្រចក​នៃ​ ម្រាមជើង​ក៏​អាច​ក្លាយ​ជា​មាន​ការឆ្លង​មេរោគ​ធ្ងន់ធ្ងរ​ដែល​នាំ​អោយ​អ្នក​ ទៅកាន់​មន្ទីរពេទ្យ​ផងដែរ​។ ការឆ្លង​មេរោគ​ធ្ងន់ធ្ងរ​អាច​នាំអោយ​អ្នក​មាន​ការ​កាត់​ជើង​ក៏មាន​។​
បញ្ហា​ជើង​ភាគច្រើន​ត្រូវ​បាន​បង្កឡើង​ដោយ​ការឡើង​សម្ពាធ​ត្រង់​តំបន់​ដែល​ ស្បែក​នៅ​កៀក​ជាប់​ឆ្អឹង​។ ទោះជា​បញ្ហា​នេះ​អាច​រំខាន​ដល់​អ្នក​គ្រប់គ្នា​, ការ​មាន​ជាតិ​ស្ករ​ខ្ពស់​អាច​ធ្វើអោយ​ពួកគេ​កាន់តែ​ធ្ងន់ធ្ងរ​។ ប្រសិនបើ​មិន​បាន​ព្យាបាល​ទេ​នោះ​, សូម្បី​តែ​របួស​តូច​នៅ​នឹង​ស្បែក​អាច​ក្លាយ​ជា​ឆ្លង​មេរោគ​ធ្ងន់ធ្ងរ​ក៏មាន​ ។ ក្នុង​ករណី​ខ្លះ​, ឆ្អឹង និង​សន្លាក់​អាច​ក្លាយទៅជា​ឆ្លង​មេរោគ​ពី​ស្បែក​ដោយ​មិនដឹង​ពី​វា​ទៀតផង​។​
(សុខភាព)

ស្វែងយល់ពីអង់ទីប៊ីយ៉ូទីច(Antibiotic)

ស្វែងយល់ពីអង់ទីប៊ីយ៉ូទីច(Antibiotic)

.និយមនយ័:
អង់ទីប៊ីយូទីច(Antibiotic): ខ្មែរយើងតែងហៅថាថ្នាំផ្សះ គឺជាផលិតផលត្រូវបានសំយោគឡើងពីមីក្រូសារពាង្គកាយ(មីក្រុប,បាក់តឺរី…) ពីប្រភពធម្មជាតិរឺក៍សំយោគពីធាតុគីមី ដែលវាមានលទ្ធភាពសំលាប់រឺទប់ស្កាត់
ការរីករាលដាលរបស់មេរោគ បាក់តឺរី, ផ្សិត,ប្រូតូសូអា(Protozoa)
រឺក៍កោសិកាមហារីក ផ្សេងៗ​ ក្នុងកំហាប់ទាប៕
សព្វថ្ងៃនេះអ្នកស្រាវជ្រាវរកឃើញមានប្រហែលជាង ៨០០០ អង់ទីប៊ីយូទីចក្នុងនោះមានតែជាង១០០ធាតុប៉ុណ្ណោះដែលបានសិក្សាស្រាវជ្រាវ
ច្បាស់លាស់និងត្រូវបានយកមកប្រើប្រាស់ក្នុងវិស័យសុខាភិបាល និង ក្នុង
វិស័យផ្សេងៗទៀត ៕
២ .ចំណាត់ក្រុមនៃអង់ទីប៊ីយូទីច:
ចំពោះអ្នកជីវវិទ្យាគេបែងចែកប្រភេទអង់ទីប៊ីយូទីចទៅតាមប្រភពដើម្បី
សំយោគរបស់វាដូចជា អង់ទីប៊ីយូទីចសំយោគពីបាក់តឺរី មីក្រុប, អាន់ទីប៊ីយូទីចសំយោគពីពពួកផ្សិត… ។ល។
ចំពោះអ្នកគីមីវិទ្យាគេបែងចែកអង់ទីប៊ីយូទីចទៅតាមទំរង់គីមីរបស់វាដែលមានដូចជា :
១ .ក្រុម Beta-lactam (មានពីទៀត Penicillin និង Cephalosporin I,II,III,IV).
២​ .ក្រុម Aminoside រឺ Aminoglycoside
៣ .ក្រុម Tetracycline
៤​ .ក្រុម Phenicole
៥ .ក្រុម Quinolone
៦ .ក្រុម Polypeptide
៧ .ក្រុម Lincosamide
៨ .ក្រុម Macrolide
៩ .ក្រុម Sulfamide
១០ .ក្រុមផ្សេងៗទៀតមាន: 5-Nitro-imidazole,   Diaminopyrimidin , Rifamycin (rifampicin) , Clofazimin…

Wednesday, March 13, 2013

ងាយៗ​ជួយ​ឲ្យ​​នារី​ៗ​មាន​រាង​ស្អាត​ស្រឡូន​

ងាយៗ​ជួយ​ឲ្យ​​នារី​ៗ​មាន​រាង​ស្អាត​ស្រឡូន​ 

រាងកាយ​ដង​ខ្លួន​ស្អាត​ស្រឡូន គ្មាន​ដុះ​ក្បាល​ពោះ ខ្លាញ់ ឬ​ធាត់ គឺ​ជា​ក្ដី​ប្រាថ្នា​របស់​នារី​គ្រប់​ៗ​រូប ដើម្បី​មាន​មន្ត​ស្នេហ៍​លើ​កន្លង់​ជា​បុរសៗ​ដែល​កំពុង​ហើរ​ឆ្វៀលឆ្វាត់​ សម្លឹង​រក​មើល​បុប្ផា​។ មិត្ត​យុវវ័យ​ខ្លះ មិន​ពេញ​ចិត្ត​នឹង​រាង​ធាត់​ដុះ​ក្បាល ក៏​ប្រថុយ​ប្រើប្រាស់​ថ្នាំ​ពេទ្យ​មួយ​ចំនួន ដើម្បី​សម្រក​ទម្ងន់ ខណៈ​ខ្លះ​ទៀត បង្ខំ​ចិត្ត​កាត់​បន្ថយ​របប​អាហារ ឬ​បង្អត់​អាហារ​ខ្លួន​ឯង។ លទ្ធផល​នៃ​ការ​ប្រើប្រាស់​ថ្នាំ​ពេទ្យ ភាគ​ច្រើន​មិន​ដូច​ការ​រំពឹង​ទុក​ទេ គឺ​ផ្ទុយ​ទៅ​វិញ បែរ​ជា​ធ្វើ​ឲ្យ​មិត្ត​នារី​ខ្លះ រីក​ទទឹង (ឡើង​ទម្ងន់) និង​មាន​បញ្ហា​សុខភាព។
ដូច្នេះ​ហើយ  យើងសូម​​ណែនាំ​ពី​វិធីសាស្ត្រ​ងាយៗ​ខ្លះៗ​ដែល​អាច​ឲ្យ​មិត្ត​នារីៗ មាន​រាង​ស្អាត​ស្រឡូន ដោយ​មិន​ចាំបាច់​ប្រថុយ​ប្រថាន​ដូច​ខាង​លើ។ ចង់​ដឹង​ថា មាន​ខ្លះ សូម​តាម​ដាន​អាន​ខាង​ក្រោម៖
១. របប​អាហារ
តុល្យភាព​នៃ​របប​អាហារ សំខាន់​ណាស់ ដើម្បី​គ្រប់គ្រង​ទម្ងន់​។ ដូច្នេះ ការ​ជ្រើសរើស​អាហារ គួរ​តែ​ប្រយ័ត្ន​ប្រយែង។
បង្កើត ​តុល្យភាព​នៃ​របប​អាហារ​អ្នក៖ មាន​ន័យ​ថា អ្នក​ត្រូវ​ទទួល​ទាន​អាហារ​សាច់​ដែល​គ្មាន​ជាតិ​ខ្លាញ់​ច្រើន (សាច់​ជ្រូក) ត្រី (ប្រសើរ​បំផុត) បន្លែ​បៃតង និង​ផ្លែឈើ​សម្បូរ​វីតាមីន C ដើម្បី​បំប៉ន​ស្បែក​កាន់​តែ​តឹង​ណែន។ ជៀស​វាង ទទួល​ទាន​សាច់​សុទ្ធ ដោយ​គ្មាន​បន្លែ។ ពិសេស​លើស​នេះ បើ​អាច គួរ​ជៀស​វាង​ទទួល​ទាន​អាហារ fast food (ប៊ើហ្គើរ, ភីហ្សា, ភ្លៅ​មាន់​បំពង ជា​ដើម) ជា​ប្រចាំ ព្រោះ​វា​ជា​ប្រភព​នៃ​ជាតិ​ខ្លាញ់​ច្រើន។
គួរ ​ទទួល​ទាន​ទឹក​មួយ ឬ​ពីរ​កែវ មុន​នឹង​ទទួល​អាហារ​រៀងរាល់​ពេល។ ធ្វើ​បែប​នេះ គឺ​ដើម្បី​កាត់​បន្ថយ​ការ​ស្រែក​ឃ្លាន​របស់​អ្នក ដែល​ជួយ​អ្នក​ឆាប់​ឆ្អែត។
ស៊ុប​បន្លែ៖ ចំពោះ​អ្នក​ធាត់​ស្រាប់ គួរ​ទទួល​ទាន​ស៊ុប​បន្លែ​ជា​ប្រចាំ ដើម្បី​កាត់​បន្ថយ​ទម្ងន់។ ធានា​ថា ក្នុង​រយៈ​ពេល ១ សប្ដាហ៍ អ្នក​នឹង​ទទួល​បាន​ផល​ជា​មិន​ខាន។
ទទួល​ទាន​តែ​ក្រូចឆ្មារ៖ ទម្លាប់​ទទួល​ទាន​តែ​ក្រូចឆ្មារ មួយ​ថ្ងៃ​ពីរ​ទៅ​បី​កែវ ជំនួស​កាហ្វេ ជា​ការ​ប្រសើរ។ បែប​នេះ អាច​សម្អាត​ជាតិ​ពុល​ក្នុង​ឈាម​អ្នក និង​ជា​លទ្ធផល​ធ្វើ​ឲ្យ​កោសិកា​ឈាម និង​ស្បែក​ស្រស់​ថ្លា។
២. សូ​ណា (Sauna)
ក្នុង ​រយៈ​ពេល ១៥ នាទី សូ​ណា​អាច​ធ្វើ​ឲ្យ​អ្នក​ហូរ​ញើស​ជា​មធ្យម​កន្លះ​លីត្រ។ បែក​ញើស មាន​ន័យ​ថា ជាតិ​ពុល​ក្នុង​ឈាម ឬ​រាងកាយ​អ្នក ត្រូវ​សម្អាត។ ញើស​ជា​ជាតិ​ពុល​ចេញ​ពី​រាងកាយ។ ដូច្នេះ ស្បែក​អ្នក​ទៀតសោត ប្រាកដ​ជា​តឹង​ណែន​រលោង​ជា​មិន​ខាន។
គប្បី​ទទួល​ទាន​ទឹក​ពីរ ឬ​បី កែវ បន្ទាប់​ពី​សូ​ណា​ម្ដងៗ ដើម្បី​កុំ​ឲ្យ​ខ្វះ​ជាតិ​ទឹក​ក្នុង​ខ្លួន។
សូ​ណា គួរ​មាន​រយៈ​ពេល​តែ ១៥ ទៅ ២០ នាទី ជា​ការ​ប្រសើរ។
អ្នក​ដែល​មាន​ជំងឺ​លើស​ឈាម បេះដូង ឬ​ក្មេងៗ មិន​ត្រូវ​សូ​ណា​ជា​ដាច់​ខាត។
៣. ហាត់​ប្រាណ
លំហាត់ ​ប្រាណ​សម្រាប់​មិត្ត​នារីៗ មាន​ច្រើន​ប្រភេទ ដូចជា៖ លំហាត់​ប្រាណ aerobics បង្កើន​អុកស៊ីហ្សែន​ក្នុង​ឈាម ការ​វាយ​សី រាំ ហែល​ទឹក -ល-។ សកម្មភាព​រាង​កាយ​បែប​នេះ​ជា​ប្រចាំ រួម​ចំណែក​ក្នុង​ការ​ដុត​បំបែក​កាឡូរី​ដែល​កាត់​បន្ថយ​ជាតិ​ខ្លាញ់​ក្នុង​ រាងកាយ​អ្នក បំបាត់​ជាតិ​ពុល​ក្នុង​ឈាម និង​សម្រក​ទម្ងន់។ ម្យ៉ាងទៀត បន្ទាប់​ពី​សកម្មភាព​នឿយហត់​ទាំង​នេះ វា​នឹង​ជួយ​កាត់​បន្ថយ​ចំណង់​ទទួល​ទាន​របស់​អ្នក ពោល​គឺ​មិន​ទទួល​ទាន​ច្រើន។
៤. ដំណេក​គ្រប់គ្រាន់
បើ ​អ្នក​អនុវត្ត​បាន​តាម​ចំណុច​ទាំង​បី​ខាង​លើ តែ​បរាជ័យ​ត្រង់​ចំណុច​នេះ ក៏​ឥត​ប្រយោជន៍​ដដែល ព្រោះ​ដំណេក​ជា​កត្តា​សំខាន់​បំផុត។ ដំណេក​មិន​គ្រប់គ្រាន់ នឹង​ធ្វើ​ឲ្យ​សុខភាព​ស្បែក​អ្នក​ឆាប់​ចាស់ ពោល​គឺ​ស្បែក​មុខ​ចាស់ ស្បែក​ខ្លួន ដៃ​ជើង យារ គ្មាន​សំណើម។ ជា​មធ្យម អ្នក​គួរ​គេង​ ៨ ម៉ោង ក្នុង​មួយ​ថ្ងៃ ជា​ការ​ល្អ។
បម្រាម៖
  • ចៀស​វាង​បង្អត់​អាហារ​ខ្លួន​ឯង
  • ចៀស ​វាង​លេប​ថ្នាំ​រក្សា​រាង ឬ​សម្រក​ទម្ងន់ ព្រោះ​ថា ការ​ស្រក​ទម្ងន់​ឆាប់​ពេក នឹង​ធ្វើ​ឲ្យ​អ្នក​ខ្សោយ​បាក់​កម្លាំង​ជា​ពុំ​ខាន។ ម្យ៉ាងទៀត ត្បិត​តែ​ស្រក​មែន តែ​ស្បែក​អ្នក​គ្មាន​សំណើម គឺ​យារ​ជ្រីវជ្រួញ។ អេ​ហេ! ឯ​សាច់​គូថ​វិញ ប្រាកដ​ជា​រាប​ស្មើ​សំប៉ែត​ដូច​ចេក​អាំង​មិន​ខាន។ នារី​គ្មាន​សាច់​គូថ គឺ​មិន​បាច់​និយាយ​ទេ!


ធ្វើ​ម៉េច​កុំ​ឲ្យ​ភ្នែក​ខូច ពេល​ប្រើ​កុំព្យូទ័រ​ទៅ​ហ្ន៎?

ធ្វើ​ម៉េច​កុំ​ឲ្យ​ភ្នែក​ខូច ពេល​ប្រើ​កុំព្យូទ័រ​ទៅ​ហ្ន៎?

បច្ចុប្បន្ន បុគ្គលិក​ការិយាល័យ និង​សិស្ស​និស្សិត​ភាគ​ច្រើន ត្រូវ​តម្រូវ​ឲ្យ​ប្រើ​ប្រាស់​កុំព្យូទ័រ​សម្រាប់​ធ្វើ​ការងារ​ និង​រៀន​សូត្រ។ ធ្វើ​ការ​លើ និង​មើល​កុំព្យូទ័រ​រាប់​ម៉ោង​រៀងរាល់​ថ្ងៃ នឹង​ធ្វើ​ឲ្យ​ភ្នែក​អ្នក​ស្ពឹក និង​ឈឺ​ដែល​អាច​នឹង​ខូច​ភ្នែក (ចាញ់​ពន្លឺ ម៉្ញូប ជា​ដើម)។
ដូច្នេះ ដើម្បី​ការពារ​ភ្នែក​អ្នក​មិន​ឲ្យ​មាន​បញ្ហា ឬ​ខូច ពេល​ប្រើ​កុំព្យូទ័រ  សូម​បង្ហាញ​ជូន​វិធីសាស្ត្រ​ងាយៗ​មួយ​ចំនួន៖
១. ឲ្យ​ភ្នែក​សម្រាក៖ ជា​ការ​ប្រសើរ បើ​អ្នក​ងើប​ចេញ​ពី​កៅអី​ធ្វើការ និង​សម្លឹង​មើល​ទៅ​របស់​ផ្សេងៗ​ឆ្ងាយៗ​បន្តិច​នៅ​ជុំវិញ​ខ្លួន ប្រមាណ​ជា ១០ វិនាទី រហូត​ដល់​អ្នក​មាន​ អារម្មណ៍​ថា ភ្នែក​អ្នក​រាង​ធូរ​ស្បើយ​បន្តិច។ បន្ថែម​ពី​នេះ បើ​អ្នក​សម្លឹង​រុក្ខជាតិ (ផ្កា ឬ​ដើម​ឈើ) ពណ៌​បៃតង ជុំវិញ​ខ្លួន​អ្នក កាន់​តែ​ប្រសើរ។
២. ធ្វើ​ចលនា​ភ្នែក៖ បើ​សិន​អ្នក​ត្រូវ​អង្គុយ​ធ្វើការ​មុខ​កុំព្យូទ័រ​រាប់​ម៉ោង និង​មិន​អាច​ក្រោក​ចេញ​ពី​កៅអី​បាន អាច​ធ្វើ​ចលនា​ភ្នែក​បាន ពោល​គឺ​ធ្វើ​ឲ្យ​គ្រាប់​ភ្នែក​វិល​ជុំវិញ​ចុះ​ឡើងៗ។ វិល​ទៅ​ឆ្វេង វិល​ទៅ​ស្ដាំ វិល​ទៅ​លើ និង​វិល​ចុះ​ក្រោម។ ធ្វើ​បែប​នេះ​ដដែលៗ ៣ ដង ដើម្បី​ឲ្យ​ភ្នែក​បាន​សម្រាក។
៣. ព្រិច​ភ្នែក៖ ត្រូវ ​ព្រិច​ភ្នែក​ឲ្យ​បាន​ញឹកញាប់ ដើម្បី​រក្សា​សំណើម​ក្នុង​កែវ​ភ្នែក។ វិធី​សាស្ត្រ​នេះ សំខាន់​ណាស់ បើ​សិន​អ្នក​ពាក់ lense ភ្នែក។ មនុស្ស​ភាគ​ច្រើន​តែង​តែ​ផ្ដោត​លើ​ការ​ងារ​ពួកគេ​ខ្លាំង រហូត​ដល់​មិន​សូវ​ព្រិច​ភ្នែក ដែល​បណ្ដាល​ឲ្យ​កែវ​ភ្នែក​អ្នក​ស្ងួត។
៤. ដក​ដង្ហើម​ទៀង​ទាត់៖ ស្ដាប់ ​ឮ​ដំបូង អ្នក​នឹង​គិត​ថា បើ​មិន​ឲ្យ​ដក​ដង្ហើម មាន​តែ​ស្លាប់។ អេហេ! ត្រង់​នេះ​មាន​ន័យ​ថា ជា​ទូទៅ អ្នក​ដែល​អង្គុយ​សម្លឹង​ធ្វើ​ការ​លើ​កុំព្យូទ័រ​ដោយ​យក​ចិត្ត​ទុក​ដាក់ មាន​ចលនា​ដំណក​ដង្ហើម​តិច​ជាង​សព្វ​ដង។ ដូច្នេះ បើ​អ្នក​រំលឹក​ខ្លួន​ឯង​ធ្វើ​ចលនា​ដំណក​ដង្ហើម​ដូច​ធម្មតា វា​នឹង​ជួយ​ជំរុញ​ចលនា​ឈាម។
៥. រៀបចំ​កុំព្យូទ័រ៖ នេះ​ជា​បញ្ហា​បច្ចេកទេស​សំខាន់​បំផុត​ដែល​មិន​អាច​ខ្វះ​បាន!
ក. ដាក់​អេក្រង់​កុំព្យូទ័រ​ឲ្យ​ទាប​ជាង​កម្ពស់​អ្នក​អង្គុយ ដើម្បី​ឲ្យ​ភ្នែក​សម្លឹង​បាញ់​ចុះ​ក្រោម។ ពេល​ដែល​អ្នក​សម្លឹង​ចុះ​ក្រោម មាន​ន័យ​ថា កែវ​ភ្នែក​អ្នក ការពារ​ដោយ​ត្របក​ភ្នែក ដែល​ធ្វើ​អ្នក​ឲ្យ​អ្នក​ព្រិច​ភ្នែក​ញឹក​ញយ​ដោយ​មិន​ដឹង​ខ្លួន និង​បង្កើត​ជា​ប្រេង​ការ​ពារ​កែវ​ភ្នែក។
ខ. សារេ​ចម្ងាយ​អេក្រង់​កុំព្យូទ័រ៖ ចម្ងាយ ​រវាង​ភ្នែក​អ្នក និង​អេក្រង់​កុំព្យូទ័រ គួរ​មាន​ចាប់​ពី ៥០ ទៅ ៧០ សង់ទីម៉ែត្រ និង​ទាប​ជាង​ខ្សែ​ភ្នែក​អ្នក​ពី ១០ ទៅ ២០ សង់ទីម៉ែត្រ។ មុំ និង​ចម្ងាយ អាច​កាត់​បន្ថយ​ភាព​នឿយហត់​របស់​ភ្នែកអ្នក​បាន។
គ. សារេ​ពន្លឺ​អេក្រង់​កុំព្យូទ័រ៖ ការ​ប្រើ​ពន្លឺ​អេក្រង់​កុំព្យូទ័រ ជា​បញ្ហា​ចំបាច់ ព្រោះ​ពន្លឺ​ភ្លឺ​ពេក នឹង​ប៉ះពាល់​ដល់​កែវ និង​ធ្វើ​ឲ្យ​ក្រហាយ​ហូរ​ទឹក​ភ្នែក។ បើ​អ្នក​ធ្វើ​ការ​នៅ​ទី​ភ្លឺ​មាន​ពន្លឺ​គ្រប់​គ្រាន់ អ្នក​អាច​សារេ​ពន្លឺ​អេក្រង់​កុំព្យូទ័រ​ឲ្យ​ភ្លឺ​ល្មម ឬ​លើស​នេះ​បន្តិច។ បើ​នៅ​ទី​ងងឹត អ្នក​គប្បី​បន្ថយ​ពន្លឺ​កុំ​ឲ្យ​ភ្លឺ​ខ្លាំង។
៦. កំណត់​ការ​ពាក់​ឡែន​ភ្នែក៖ បើ​អ្នក​ពាក់​ឡែន​ភ្នែក នោះ​ភ្នែក​មាន​ទឹក​ភ្នែក​តិច​តួច និង​ងាយ​នឹង​ស្ងួត។ ករណី​នេះ អ្នក​គប្បី​ប្រើ​វ៉ែនតា​ធម្មតា​ការពារ​ពន្លឺ​កុំព្យូទ័រ ជា​ការ​ប្រសើរ បើ​អ្នក​ប្រើ​កុំព្យូរទ័រ​យូរ។
៧. របប​អាហារ​ជំនួយ​ភ្នែក៖ ក្រៅ​ពី​វីធីសាស្ត្រ​ការពារ​ផ្ទាល់​ខាង​លើ អ្នក​ក៏​ត្រូវ​ម៉ត់ចត់​លើ​ការ​ជ្រើស​រើស​របប ​អាហារ​សម្រាប់​ជំនួយ​ភ្នែក​ផង​ដែរ។ អាហារ​ទាំង​នោះ​មាន​ដូច​ជា ត្រី​សមុទ្រ (salmon) បន្លៃ​បៃតង ការ៉ុត ស្ពៃ ដំឡូង​ជ្វា និង​ផ្លែឈើ​សម្បូរ​វីតាមីន A ដូច​ជា​ស្វាយ ប៉េងប៉ោះ ឪឡឹក-ល-។ លើស​ពី​នេះ កុំ​ភ្លេច​ទទួល​ទាន​ទឹក​ឲ្យ​បាន​ច្រើន ដើម្បី​កាត់​បន្ថយ​សម្ងួត​ទឹក​ក្នុង​កែវ​ភ្នែក៕

Sunday, March 10, 2013

ការសង្គ្រោះ​ចំពោះ​អ្នក​ដែល​សន្លប់​






     បញ្ហា​នៃ​ការ​សន្លប់ អាច​កើតមាន​នៅពេល​ណា ដែល​ការ​ផ្គត់​ផ្គត់​ឈាម​ទៅកាន់​ខួរក្បាល មាន​សភាព មិន​គ្រប់ គ្រាន់​ក្នុងពេល​មួយ​ស្របក់ ដែល​វា​អាច​ធ្វើអោយ​អ្នក​បាត់បង់​ស្មារតី​បាន​ភ្លាមៗ​ដែរ​។ ជាធម្មតា វា​អាច​កើតមាន ក្នុង​រយៈពេល​ខ្លី​នោះទេ​។​
    ការ​សន្លប់ អាច​នឹង​មិន​មាន​ស្ថានភាព​សំខាន់​ផ្នែក​វេជ្ជសាស្ត្រ ឬ មូលហេតុ​របស់​វា អាច​បណ្តាលមកពី ស្ថានភាព​មិន​ប្រក្រតី​ធ្ងន់ធ្ងរ​ណាមួយ​។ ដូច្នេះ អ្នក​ត្រូវ​ចាត់ទុកថា ការបាត់បង់​ស្មារតី​នេះ ជា​ស្ថានភាព សង្គ្រោះបន្ទាន់​ផ្នែក​វេជ្ជសាស្ត្រ​មួយ រហូតដល់ សញ្ញា និង រោគសញ្ញា របស់​ជនរងគ្រោះ​មាន​សភាព​ធូរ ស្រាល និង មូលហេតុ​ដែល​បង្ក​អោយមាន​បញ្ហា​នេះ អាច​ធ្វើការ​កំណត់​បាន​។ អ្នក​ត្រូវ​ធ្វើ​ការពិភាក្សា បញ្ហា​នៃ​ការ​សន្លប់​ដែល​តែងតែ​កើតមាន​ម្តង​ហើយ​ម្តងទៀត ជាមួយនឹង​វេជ្ជបណ្ឌិត​អោយបាន​ត្រឹមត្រូវ ។​

​ប្រសិនបើ​អ្នក​មាន​អារម្មណ៍​ហាក់ដូចជា ចង់​សន្លប់​នោះ​អ្នក​ត្រូវ ៖

·         ធ្វើការ​តម្រេត​ខ្លួន ឬ អង្គុយ​ចុះ ដើម្បី​ជួយ​កាត់បន្ថយ​ឱកាស នៃ​ការដួលសន្លប់ ហើយ​អ្នក​មិនត្រូវ ក្រោកឈរ​វិញ​ភ្លាមៗ ពេក​នោះ​ទេ​។​

·         ដាក់​ក្បាល​របស់​អ្នក​នៅ​ចន្លោះ​ក្បាលជង្គង់ ប្រសិនបើ​អ្នក​ស្ថិតក្នុង​ស្ថានភាព​អង្គុយ ។​

​ប្រសិនបើ​អ្នក​ឃើញ​នរណា​ម្នាក់​សន្លប់ នោះ​អ្នក​ត្រូវ​ជួយ​គេ​ដោយ​៖

·         ដាក់​ជនរងគ្រោះ​អោយ​គេង​ផ្ងារ​។ ប្រសិន​បើ​ជន​រងគ្រោះ​នៅ​ដកដង្ហើម នោះ​ត្រូវ​ធ្វើអោយ​ដំណើរ ឈាមរ​ត់​ទៅ​កាន់​ខួរក្បាល​មាន​ឡើង​មាន ដោយ​ការដាក់​ជើង​របស់​ជន​រងគ្រោះ អោយ​ខ្ពស់​ជាង កម្រិត​បេះដូង ប្រហែលជា ៣០​សង់ទីម៉ែត្រ ប្រសិនបើ​អ្នក​អាចធ្វើ​បាន​។ ធ្វើការ​បន្ធូរ​ចង្កេះ​ខោ ឬ សំពត់​, ក្រវ៉ា​ត់ក ឬ ផ្នែក​នៃ​សំលៀក​បំពាក់​ដែល​មាន​សភាព​តឹង​ណែន​។ ដើម្បី​កាត់បន្ថយ​នូវ ឱកាស​នៃ​ការដួលសន្លប់​ឡើងវិញ នោះ​អ្នក​មិន​ត្រូវ​អោយ​ជនរងគ្រោះ​ឆាប់ ក្រោកឈរ​វិញ​ភ្លាម​ពេក នោះទេ​។  ប្រសិន​បើ​ជន​រងគ្រោះ នៅ​មិនទាន់​ដឹងខ្លួន ក្នុង​រយៈពេល​១​នាទី នោះ​អ្នក​ត្រូវ ប្រញាប់ ហៅ​រក​ក្រុម​សង្គ្រោះ អោយបាន​ជា​បន្ទាន់ ។​

·         ធ្វើការ​ពិនិត្យ​ផ្លូវដង្ហើម​របស់​ជនរងគ្រោះ ដើម្បី​អោយ​ប្រាកដថា វា​គ្មាន​ឧបសគ្គ​ដែល ធ្វើ​អោយ​ស្ទះ ដង្ហើម​។ ពិនិត្យ​តាមដាន រក​សញ្ញា​នៃ​ការ​ក្អួត​។​


·         ធ្វើ​ការពិនិត្យ​រក​សញ្ញា នៃ​ដំណើរការ​ឈាម​រត់ ( ការដកដង្ហើម​, ក្អក ឬ ការ​ធ្វើ​ចលនា​) ។ ប្រសិនបើ គ្មាន​សញ្ញា​ទាំងនេះ​ទេ នោះ​អ្នក​ត្រូវ​ចាប់ផ្តើម ធ្វើ​ចលនា​សង្គ្រោះ​បេះដូង​។ បន្ត​ធ្វើ​ការសង្គ្រោះ រហូត​ដល់​ក្រុម​សង្គ្រោះ​មកដល់ ឬ ជនរងគ្រោះ អាច​ចាប់ផ្តើម​មាន​ការដកដង្ហើម​ឡើងវិញ​បាន ។​
    ប្រសិន​បើ​ជន​រងគ្រោះ មាន​ការរង​របួស ដោយសារ​ការប៉ះទង្គិច​នៅ​ពេល​ដួល​សន្លប់ នោះ​អ្នក​ត្រូវធ្វើ ការព្យាបាល ស្នាម​ជាំ និង កន្លែង​ដាច់​រលាត់​នោះ អោយបាន​ត្រឹមត្រូវ និង ធ្វើការ​ឃាត់ឈាម ដោយ​ការ ដាក់​សម្ពាធ​ដោយផ្ទាល់ ៕​

Saturday, March 9, 2013

វិធី​បំបាត់​មុន​អង្កាម


វិធី​បំបាត់​មុន​អង្កាម

ផ្ទៃមុខ​ជាចំណុច​ដំបូង​បំផុត​ដែល​ មនុស្ស​នៅ​ជុំវិញ​ខ្លួន​លោកអ្នក​មើល​មុនគេ​បង្អស់ ក្រៅពី​សរីរាង្គ​ផ្សេង​ទៀត។ ដូច្នេះ​បញ្ហា មុខ​កើតមុន​ជារឿង​មួយ​សំខាន់​បំផុត​សម្រាប់​មិត្ដ​បុរស​នារី​នាពេល​ បច្ចុប្បន្ន​នេះ ដែល​ធ្វើឱ្យ​ពួកគាត់​ខិតខំ​ព្យាយាម​ធ្វើយ៉ាង​ណា​ដើម្បី​ឱ្យ ផ្ទៃមុខ​របស់​គាត់​ស្រស់ស្អាត និង​ជាទី​គយគន់​របស់​មនុស្ស​ផង​ទាំងពួង។ ស្ទើរតែ​គ្រប់​មនុស្ស​ទាំងអស់​ទៅហើយ​ដែលមាន​កើតនូវ​មុន អង្កាម​លើមុខ។ ពេលនេះ​លោកអ្នក​នាង​កញ្ញា​ទាំងអស់​ពិតជា​ចង់ដឹង​ថា តើធ្វើ​យ៉ាងណា​ទើប​កម្ចាត់​បញ្ហា​មុនអង្កាម​នេះបាន។

នៅលេខ​នេះ លោកអ្នក​ពិតជា​បានជ្រាប​ជាក់ជា​មិនខាន​ឡើយ អំពី​វិធី​បំបាត់​មុន​អង្កាម​នេះ តាម​រយៈការ​ធ្វើបទ​សម្ភាសន៍ជាមួយ​អ្នកនាង សោភា ម្ចាស់ហាង​ម៉ាលីនណា បកស្រាយ​នូវ​ប្រធាន​បទ​ខាងលើ​នេះ ដើម្បី​ចែកជូន​ដល់​ប្រិយមិត្ដ​អ្នកអាន​យកទៅ អនុវត្ដ​ដើម្បី​ផ្ទៃមុខ​ស្រស់ស្អាត។
វិធី​បំបាត់​មុន​អង្កាម
មុនអង្កាម​ជា​ប្រភេទ​មុនតូចៗ​ដែលកើត​នៅលើ​មុខ ដែល​ភាគច្រើន​វាកើត​នៅ​ច្រមុះ និង​ចង្កា​របស់​មនុស្ស​យើង ដែល​ធ្វើឱ្យ​លោកអ្នក​ពិបាក​ក្នុងការ​តុបតែង​មុខ ពេលដែល​ចេញទៅ​ណាមក​ណាម្ដងៗ។ ចំណែក​ឯវិធី​បំបាត់​មុនអង្កាម​វិញនោះ វា​មិនមែន​ជាការ​លំបាក​អ្វីទេ គឺ​គ្រាន់តែ​លោកអ្នក​ធ្វើការ​បកដោយ​ថ្នាំបក​មុន​យកវា​ចេញ ហើយ​ធ្វើការ​ម៉ាស្សា​មុខ​រាល់ពេល​ដែល​បកមុន។ លោកអ្នក​អាចប្រើ​ជាឡេ​ការពារ​ផ្ទៃមុខ នៅពេល​ដែល​លោកអ្នក​ចេញទៅ​ខាងក្រៅ កុំ​បណ្ដោយ​ឱ្យផ្ទៃ​មុខ​ត្រូវ​កម្ដៅថ្ងៃ​ដោយគ្មាន​អ្វីមកជួយ​ការពារ​នោះ។ កម្ដៅថ្ងៃ​អាចធ្វើ​ឱ្យ​លោកអ្នក​កើតមុន និង​ជាំមុខ​បានដោយ​ងាយ។
ជា​ធម្មតា​នៅពេល​ដែល​ត្រឡប់​មកពី​ខាងក្រៅ ផ្ទៃមុខ​តែងតែ​មាន​ធូលី​ដីហុយ​ជាប់នឹង​មុខជាក់​ជា​មិនខាន​ឡើយ ដូច្នេះ លោកអ្នក​គួរ​ជ្រើសរើស​ផលិតផល​មួយ​ចំនួន​មក​លុបលាង​មុខ​ដើម្បី​កុំឱ្យ​ កើតមុន។ ម្យ៉ាងវិញ​ទៀត​លោកអ្នក​អាច​ប្រើទឹក​ក្ដៅឧណ្ហ លាងមុខ​ក៏បាន។ ចំណែក​ឯវិធី​មួយទៀត​ដែលអាច​ឱ្យមុន​អង្កាម​របស់​លោកអ្នក​ថយចុះ​បន្ដិចម្ដង​ បាន ដោយ​ប្រើ​ក្រូចឆ្មារ​ចិតជា​បន្ទះ ស្ដើងៗ ហើយ​យកញី​សព្វ​ផ្ទៃមុខ វាក៏​ធ្វើឱ្យ​មុនអង្កាម​នោះជ្រុះ​បានដែរ។
វិធី​ទប់ស្កាត់​មុនអង្កាម
លោកអ្នក​ដែលកើត​មុនអង្កាម​នៅលើ​ផ្ទៃមុខ ជាពិសេស​គឺនៅ​លើច្រមុះ លោកអ្នក​គួរតែ​ឧស្សាហ៍​បកមុន​នោះចេញ ដោយ ថ្នាំ​បកមុន និងធ្វើ​ការ​ម៉ាស្សា​មុខជា​រៀងរាល់​មួយ​សប្ដាហ៍​ម្ដង ឬអាច​រយៈ​១០ថ្ងៃ​ម្ដង។ ការ​ប្រើប្រាស់​ឡេការពារ​ផ្ទៃមុខ​នៅពេល​ដែលចេញ​ទៅខាង​ក្រៅ និងការ​ជ្រើសរើស​ប្រើ​ផលិតផល​សម្អាត​មុខ​ក្រោយ​ពេលមក​ពីខាង​ក្រៅ នេះជា​រឿង​សំខាន់​មួយ​សម្រាប់​អស់លោក អ្នក​ទាំងអស់​គ្នា។
ដំបូន្មាន​អ្នក​ជំនាញ
បើចង់​បាន​ផ្ទៃមុខ​ស្រស់ស្អាតគ្មាន​មុន លោកអ្នក​ត្រូវចេះ​ថែរក្សា​ផ្ទៃមុខ​របស់​លោកអ្នក ត្រូវ​ម៉ាស្សា​មុខ ដើម្បី​សម្អាត​មុខ ដើម្បី​ធ្វើឱ្យ​ទន់​រលោង និង​គ្មានមុន។ លោកអ្នក​មិនត្រូវ​ប្រើប្រាស់​ផលិតផល​តាមគ្នា​នោះទេ ដោយសារ​តែ​ផ្ទៃមុខ​របស់​មនុស្ស​យើង មិនមែន​ដូចគ្នា​ទាំងអស់​នោះទេ។