ស្ពៃក្តោប : អាហារប៉ូវ ឱសថព្យាបាលក្រពះ
ស្ពៃក្តោបមានច្រើនប្រភេទ ស្ពៃក្តោបស
ស្ពៃក្តោបស្វាយ... នេះជាប្រភេទបន្លែមានតម្លៃថោក ងាយរកទិញ
និងអាចច្នៃជាអាហារបានច្រើនមុខ ដូចជាស្ល ឆា ស្រុស ញាំ...
និងនៅជាឱសថព្យាបាលបានជំងឺច្រើនមុខក្នុងវេជ្ជសាស្ត្របុរាណ ។
-តម្លៃជីវជាតិ និងលក្ខណៈឱសថ
គេបានកំណត់ក្នុងស្ពៃក្តោបស្រស់មាន
90g% ទឹក , 18g% ប្រូទីប , 5,4g% គ្លុយស៊ីដ , 1,6% សែលុយឡូស ,12%
ជាតិអំបិល ។ ស្ពៃក្តោបក៏សម្បូរអំបិលរ៉ែ ពិសេសគឺកាល់ស្យូម (48mg%) ,
ហ្វូសហ្វ័រ (31mg%) ។ បរិមាណវីតាមីន C ក្នុងស្ពៃក្តោប
ចាញ់តែប៉េងប៉ោះប៉ុណ្ណោះ , តែច្រើនជាង ៤,៥ដង ប្រៀបនឹងការ៉ុត ៣,៦ដង
ដំឡូងបារាំង , ខ្ទឹមបារាំង ។
ស្ពៃក្តោបត្រូវបានប្រើធ្វើថ្នាំនៅ
ទ្វីបអឺរ៉ុបតាំងពីសម័យយុគកណ្តាល ។
បច្ចុប្បន្ននេះគេដឹងច្រើនជាងអំពីប្រសិទ្ធភាពព្យាបាលជំងឺ
របស់បន្លែនេះដូចជា អាចប្រើថ្នាំព្យាបាលព្រូន
បិទពីក្រៅធ្វើថ្នាំបំបាត់ក្លិនអសោច និងធ្វើឲ្យសះសម្លាកមុខរបួស
មុនខ្ទុះ ទន្ទឹមនោះ ជាឱសថព្យាបាលសត្វល្អិតយ៉ាងល្អ (ឃ្មុំ
ពីងពាង...) ។
វានៅត្រូវបានប្រើធ្វើជាឱសថបន្ថយឈឺក្នុងជំងឺឆ្អឹងសន្លាក់ ឃ្លង់ ,
ឈឺសរសៃប្រសាទកណ្តៀតក្អម (យកស្លឹកស្ពៃក្តោបអ៊ុតឲ្យទន់
បន្ទាប់មកបិទពីលើកន្លែងឈឺ សំអាតផ្លូវដង្ហើមដោយវិធីបិទ
ឬទទួលទានក្នុងការព្យាបាលក្អក រលាកហើមសួត) ។
ស្ពៃក្តោបក៏ជាឱសថព្យាបាលរាគមួល
និងជាប្រភពផ្គត់ផ្គង់ស្ពាន់ធ័រឲ្យសរីរាង្គ ។
ទឹកស្ពៃក្តោបប្រើដើម្បីជម្រះឈាម ។
ពិសេសស្ពៃក្តោបនៅជាឱសថប្រឆាំងរំញោចសរសៃប្រសាទ
និងជំងឺគេងមិនលក់យ៉ាងល្អ ។ អ្នកឧស្សាហ៍ខ្វាយខ្លល់
សិស្សានុសិស្សជិតប្រឡង អ្នកត្រូវទ្រុឌទ្រោមសរសៃប្រសាទ
អស់កម្លាំងត្រាំត្រែង គួរទទួលទានស្ពៃក្តោបជាប្រចាំ ។
-ទឹកស្ពៃក្តោបជួយឲ្យក្រពះមានសុខភាពល្អ
គេនៅប្រើប្រាស់ស្ពៃក្តោបដើម្បី
ព្យាបាលឈឺក្រពះ ផ្តើមចេញពីព័ត៌មាននៅឆ្នាំ១៩៤៨
ពួកអ្នកវិទ្យាសាស្ត្របានរកឃើញក្នុងស្ពៃក្តោបមានសារជាតិប្រឆាំងដំបៅ
ហៅថាវីតាមីន U ជួយព្យាបាលដំបៅក្រពះ ពោះវៀន រលាកក្រពះ ពោះវៀន ។
ដោយសារវីតាមីន U
ត្រូវបំផ្លាញនៅសីតុណ្ហភាពខ្ពស់គួរទទួលទានទឹកស្ពៃក្តោបស្រស់ប្រសិន
ចង់ពង្រីកប្រសិទ្ធភាពនេះ ។
ទទួលទានទឹកស្ពៃក្តោប ១០០០ml ក្នុងមួយថ្ងៃ ចែកជា 4-5ដង អាចរលាយបន្ថែមអំបិលឬស្ករ ។ ព្យាបាលក្នុងរយៈពេល២ខែ និងផ្តល់លទ្ធផលល្អប្រសើរចំពោះអ្នកជំងឺមានដំបៅពុំទាន់ជ្រៅណាស់ណា ៕
ទទួលទានទឹកស្ពៃក្តោប ១០០០ml ក្នុងមួយថ្ងៃ ចែកជា 4-5ដង អាចរលាយបន្ថែមអំបិលឬស្ករ ។ ព្យាបាលក្នុងរយៈពេល២ខែ និងផ្តល់លទ្ធផលល្អប្រសើរចំពោះអ្នកជំងឺមានដំបៅពុំទាន់ជ្រៅណាស់ណា ៕
0 comments:
Post a Comment