ឥរិយាបថដែលអ្នកគួរ ធ្វើប្រចាំថ្ងៃដើម្បី ការពារឈឺខ្នងនិងឈឺចង្កេះ
គ្រប់ឥរិយាបទអង្គុយ ឈ ឬដេក អ្នកមិនត្រូវធ្វើអ្វីដែល នាំឲ្យរំខានដល់ចង្កេះ របស់អ្នកនោះទេ។ ប្រសិនបើអ្នក ខ្វះការប្រុងប្រយ័ត្ន វានឹងបង្កឲ្យមានគ្រោះថ្នាក់ ដល់ឆ្អឹងខ្នងរបស់អ្នក។ ម្យ៉ាងវិញទៀត ការតម្រង់ខ្នងមិនមែន ជា បញ្ហាតែមួយសម្រាប់ ឥរិយាបថនោះទេ ក៏ប៉ុន្តែនៅមានសកម្មភាព ប្រចាំថ្ងៃជាច្រើនទៀត ដែលនាំឲ្យមានគ្រោះថ្នាក់ ដល់ចង្កេះ និងខ្នងរបស់អ្នក។ជាក់ស្តែងនៅលើ ឆ្អឹកកងខ្នងមាន៥គន្លាក់ ដែលស្ថិតនៅលើចង្កេះ ហើយមានតួនាទីទប់ទ្រ ដងខ្លួនរបស់យើង។ ឆ្អឹងកងនេះ មានលក្ខណៈស្រួយ នៅពេលដែលយើងអង្គុយ ហើយធ្វើឲ្យយើង មានអារម្មណ៍ថាឈឺចាប់ នៅកន្លែងនោះ។ ម្យ៉ាងទៀត សាច់ដុំរបស់ខ្នង ដែលធ្វើចលនាប្រែ ជាចុះខ្សោយ ហើយសន្លាក់បាត់បង់នូវភាពទន់ភ្លន់។ ដូច្នេះដើម្បីថែរក្សាសុខភាព ខ្នងរបស់អ្នកឲ្យបានល្អ អ្នកទាំងអស់គ្នាគួរតែ អនុវត្តន៍ឥរិយាបថ មួយចំនួនជាប្រចាំ ថ្ងៃដូចខាងក្រោមៈ
១. ត្រូវឆ្លៀតដោះស្បែកជើងកែងចោទចោលជារឿយៗ: ការពាក់ ស្បែក ជើងកែងខ្ពស់ៗ មើលឃើញថាស្អាតណាស់ ប៉ុន្តែវាបណ្តាលឲ្យ សាច់ដុំជើងឡើងរួញ។ ម្យ៉ាងវិញទៀតការដើរ ស្បែកជើងកែងចោទយូរៗ អាចធ្វើឲ្យអ្នកជាំចង្កេះ។ ដំណោះស្រាយគឺ អ្នកត្រូវឆ្លៀតពេលឲ្យ សមស្របមួយដើម្បី ដោះស្បែកជើងកែងចេញ រួចហើយសឹមពាក់វិញ នៅប៉ុន្មាននាទីក្រោយមក។
២. គេងឲ្យបានត្រឹមត្រូវ: នៅពេលដែលអ្នកមាន បញ្ហាឈឺខ្នងអ្នកមិនអាច ចោទថាមកពីគ្រែ របស់អ្នកបានឡើយ។ ដោយឡែក អ្នកត្រូវសាកល្បង គេងផ្អៀងខ្លួន ហើយដាក់ក្បាល របស់អ្នករាបស្មើ ឬអ្នកអាចកើយខ្នើយដ៏តូចមួយ។ ការអនុវត្តន៍បែបនេះ ជារឿយៗជួយឲ្យឆ្អឹងខ្នង កងរបស់អ្នកអាចសម្រប តាមបានយ៉ាងល្អ។
៣. ពេលដើរផ្សារ: ការឡើងចុះ ជណ្តើរ នៅផ្សារធំៗមួយចំនួន ជារឿយៗ ជាមួយនឹងការខិតខំ ប្រឹងយួរអីវ៉ាន់ធ្ងន់ៗ នៅក្នុងដៃតែម្ខាង វាបានធ្វើឲ្យអ្នកមានអាការៈ ឈឺចុកចាប់នៅត្រង់ខ្នង។ ដូច្នេះហើយដើម្បី កុំឲ្យខូចឆ្អឹងខ្នង អ្នកត្រូតែចែករំលែក អីវ៉ាននោះឲ្យស្មើគ្នាសម្រាប់យួរ នៅក្នុងដៃទាំងសងខាង។
៤. អ្នកមិនត្រូវពត់ ក របស់អ្នកនៅក្នុងការិយាល័យឡើយ: ការអង្គុយធ្វើការចំនួន ៨ម៉ោងក្នុងមួយថ្ងៃ ប្រៀបបាននឹង ការធ្វើការពត់ពែន រមួលខ្លួនម្តង។ ក ងាកទៅម្ខាងនៃព្យូទ័រ ស្មាបង្វិលទៅទិសម្ខាងទៀត ដើម្បីលើកទូរស័ព្ទមកស្តាប់ ចំណែកឯគូទរបស់អ្នក ស្ថិតនៅចំកណ្តាលនៃកៅអី ដើម្បីធ្វើការសម្រាលត្រគាក។ សរុបមក ដើម្បីចៀសវាងគ្រោះថ្នាក់ទាំងឡាយ នៅពេលចប់ម៉ោងធ្វើការ ដំបូងអ្នកត្រូវអង្គុយនៅ លើកៅអីឲ្យស៊ប់ ដាក់ប្រអប់ជើងនោះលើ កំណល់តូចមួយ ប្រសើនបើគ្មានកំណល់ទេ អ្នកអាចដាក់នៅលើ កែងស្បែកជើង របស់អ្នកក៏បាន។ រួចមកអ្នកមិនត្រូវបំពេញ ការងារដោយប្រើ តែមួយផ្នែកនៃ រាងកាយនោះទេ ផ្ទុយទៅវិញអ្នកត្រូវ ប្រើប្រាស់គ្រប់ ផ្នែកកានយរបស់អ្នក។
៥.មេផ្ទះ: ដើម្បីបង្កកុំឲ្យឈឺ ខ្នង អ្នកមិនត្រូវបន្ទន់ខ្នង របស់អ្នកជាញឹកញាប់ពេកនោះទេ ជាពិសេសនៅពេល ដែលអ្នកជូតផ្ទះ។ អ្នកត្រូវឈរឲ្យត្រង់ខ្នង និងកាន់ប្រដាប់ជូតផ្ទះ នៅត្រឹមកម្ពស់ កែងដៃរបស់អ្នក។
៦.នៅពេលបើកបរ: ដើម្បីជៀសវាង គ្រោះថ្នាក់ នៃអាការៈថ្លោះត្រគាក នៅពេលចូល ឬចេញពីរថយន្ត អ្នកគួរតែទយគូទ ដាក់កន្លែងអង្គុយ បន្ទាប់មកអ្នកបង្វិល ជើងឡើងរថយន្ត។ អ្នកគួរតែយកកូន ខ្នៀតតូចមួយសម្រាប់ កលចង្កេះរបស់អ្នក៕
0 comments:
Post a Comment