ហេតុអ្វីត្រូវថែទាំសុខភាពឆ្អឹងសន្លាក់រាល់ថ្ងៃ?
-សមត្ថកិច្ចរបស់ឆ្អឹងសន្លាក់ថមថយពីអាយុ៣០ឆ្នាំ
រួមជាមួយនឹងដំណើរការកសាង និងបំបែកបំផ្លាញដោយធម្មជាតិ នៃកោសិកាឆ្អឹងក៏ត្រូវបានជំនួសឥតឈប់ឈរ ។ ពីអាយុ៣០ឆ្នាំ ដំណើរការកសាងមានផ្អែកយឺមកវិញ ប្រៀបនឹងដំណើរការបំផ្លាញធ្វើឲ្យដង់ស៊ីតេឆ្អឹងថយចុះសន្សឹមៗ សមត្ថកិច្ចរបស់ឆ្អឹងសន្លាក់ក៏ថមថយ ។ រឿងនេះដាច់ខាតនាំដល់ការពុកឆ្អឹង និងជំងឺពាក់ព័ន្ធដល់ឆ្អឹងសន្លាក់ផ្សេងៗ ។ អាស្រ័យហេតុនេះ ប្រសិនតាំងពីពេលនៅក្មេង យើងកសាងទម្លាប់ថែទាំសុខភាពឆ្អឹងសន្លាក់រាល់ថ្ងៃ នឹងជួយពន្យឺតដំណើរការជរាភាព រក្សាសុខភាពឆ្អឹងសន្លាក់ពេលចាស់ទៅ ។
-ទទួលទានមិនត្រឹមត្រូវ និងមិនសូវធ្វើចលនាងាយបណ្តាលឲ្យកើតជំងឺអំពីឆ្អឹងសន្លាក់
ពុំត្រឹមតែជំងឺសរសៃឈាមបេះដូង ធាត់ តែពេលនេះភាពទ្រុឌទ្រោមសន្លាក់ (ជំងឺទូទៅមួយប្រភេទទាក់ទងដល់ឆ្អឹងសន្លាក់) ក៏ត្រូវបាន "គួបបញ្ចូល" ទៅក្នុង "ជួរ"ជំងឺបណ្តាលពីរបៀបរបបរស់នៅ ។ នោះគឺការមិនសូវធ្វើចលនា និងទទួលទានខ្វះសារជាតិ ។ មុខសញ្ញាងាយកើតជំងឺឆ្អឹងសន្លាក់ (ពិសេសគឺរិចរឹលសន្លាក់) គឺមជ្ឈដ្ឋានការិយាល័យ ។ ការស្រាវជ្រាវមួយបង្ហាញថា ជាមធ្យមបុគ្គលិកការិយាល័យចំណាយពេលដល់៥ម៉ោង៤១នាទី ដើម្បីអង្គុយ១កន្លែងនៅតុធ្វើការ ។ ទន្ទឹមនោះ ដោយសារលក្ខណៈការងារ កម្របុគ្គលិកការិយាល័យណាអាចរក្សាបានរបបជីវជាតិសមស្របដោយទៀងទាត់ ។ ពួកគេឬទទួលទានច្រើនពេក ឬក៏តិចពេក ហើយអាហារក៏មិនគ្រប់មុខ ។
-ឆ្អឹងត្រូវការបានបំពេញជីវជាតិរាល់ថ្ងៃ
-ទទួលទានពពួកបន្លែផ្លែឈើ ៖ ក្នុង ១ថ្ងៃគួរទទួលទានជាង៣០០g បន្លែគ្រប់ប្រភេទ និងជាង២០០g ផ្លែឈើ ដើម្បីផ្តត់ផ្គង់គ្រប់គ្រាន់ពពួកវីតាមីនក្រុម B, C,D,E beta-caroter សារជាតិរ៉ែប៉ូតាស្យូម ម៉ាញ៉េស្យូម និងសារជាតិប្រឆាំងអុកស៊ីតកម្ម មានប្រសិទ្ធភាពបង្ការជំងឺសឹករិច ។
-ទទួលទានគ្រប់អាហារសម្បូរប្រូតេអ៊ីន ប្រូតេអ៊ីន សត្វដូចជាសាច់ ត្រី ស៊ុត ទឹកដោះ បង្គា ក្តាម ងាវ... និងបង្កើនប្រូតេអ៊ីនរុក្ខជាតិដូចជាតៅហ៊ូ សណ្តែកសៀង សណ្តែកបណ្តុះ... ក្នុងមួយថ្ងៃត្រូវទទួលទានមធ្យម ៥០g សាច់ , 50-100g ត្រី , 100g តៅហ៊ូ, 30g តៅហ៊ូ ,ស៊ុត ៣-៤គ្រាប់ក្នុងមួយសប្តាហ៍ ។ ពិសេសមានការស្រាវជ្រាវបង្ហាញថា សារជាតិខ្លាញ់Omega-3 មាននៅក្នុងត្រីអាចជួយបន្ថយរលាកសន្លាក់ ។
-ទឹកដោះគោ ៖ គួរ ទទួលទាន2-3កែវក្នុងមួយថ្ងៃ ។ ប្រសិនលើសទម្ងន់ឬកូឡេសស្តេរ៉ូលឈាមខ្ពស់នោះជំនួសដោយទឹកដោះគោ គ្មានជាតិខ្លាញ់ ។ ទឹកដោះគោផ្គត់ផ្គង់ច្រើនសារជាតិជីវជាតិ សារជាតិរ៉ែ ពិសេសសម្បូរកាល់ស្យូមចាំបាច់បំផុតសម្រាប់អ្នកជំងឺឆ្អឹងសន្លាក់ ។
-ទទួលទានល្មមអាហារសម្បូរម្សៅ ៖ បាយ មី ពោត ដំឡូង... ដើម្បីមិនឲ្យខ្វះជីវជាតិ ឬធាត់ ។ គួរទទួលទានអង្ករសំរូប បន្ថែមដំឡូង ពោតដើម្បីបង្កើតជាតិសរសៃ និងសារជាតិជីវជាតិផ្សេងៗ ៕
0 comments:
Post a Comment