ពួក
អ្នកស្រាវជ្រាវរកឃើញថា សារជាតិចម្រុះ Carnosone
មាននៅក្នុងស៊ុបមាន់ជួយប្រព័ន្ធអង្គបដិបក្ខរបស់សរីរាង្គប្រឆាំងតប
បានជំងឺគ្រុនផ្តាសាយនៅដំណាក់កាលដំបូង ។នេះពុំមែនជាការ ស្រាវជ្រាវដំបូងអំពីប្រសិទ្ធភាពរបស់ស៊ុបមាន់ឡើយ ។ មុននេះជាង១ទសវត្សរ៍ បណ្ឌិត Stephen Rennard មកពីមន្ទីរពេទ្យមហាវិទ្យាល័យ Nebraska (Omaha អាមេរិក) ធ្លាប់ចង់ស្វែងយល់ហេតុអ្វី រូបមន្តចម្អិនស៊ុបមាន់របស់ភរិយាលោក ដែលត្រូវបានបន្តពីជំនាន់មុនៗមក បែរជាមានប្រសិទ្ធភាពព្យាបាលជំងឺល្អដល់ថ្នាក់នេះ ។
ប្រើប្រាស់ កំណកឈាមរបស់ពួកអ្នកស្ម័គ្រចិត្ត លោក Rennard បានរកឃើញថា អាហារស៊ុបមាន់រារាំងសកម្មភាពរបស់ neutrophil ប្រភេទកោសិកាឈាមសទូទៅបំផុត មានសមត្ថភាពប្រឆាំងតបការឆ្លងមេរោគ ។
បណ្ឌិត Rennard ទឡ្ហីករណ៍ថា ដោយវិធីរារាំងការផ្លាស់ទីស្នាក់អាស្រ័យរបស់កោសិកាប្រឆាំងឆ្លងមេរោគ នេះក្នុងសរីរាង្គ ស៊ុបមាន់ជួយធ្វើឲ្យថយចុះរោគសញ្ញាគ្រុនរងារនៅផ្លូវដង្ហើមលើ ។ ម្ហូបស៊ុបប្រើក្នុងការពិសោធន៍រួមមានសាច់មាន់ ខ្ទឹមបារាំង ដំឡូងជ្វា ឆៃថាវ ការ៉ុត ឃិនឆាយ ម្អមបារាំង អំបិល និងគ្រាប់ម្រេច ។
ការស្រាវជ្រាវមួយផ្សេងរបស់ពួកអ្នកវិទ្យាសាស្ត្រ Miami អាមេរិករកឃើញថា ស៊ុបមាន់នៅមានប្រសិទ្ធភាពច្រើនជាងប្រតិកម្មឱសថក្លែងបន្លំ ។
លទ្ធផលប្រមូលបានបានបញ្ជាក់រឿងដែលវេជ្ជបណ្ឌិតតាំងពីយូរមកហើយ បានប៉ាន់ស្មានថា សារជាតិរាវក្តៅជួយបង្កើនសកម្មភាពរបស់ជាតិរំអិលក្នុងច្រមុះ ។ ប្រការនេះនឹងជួយសំអាតផ្លូវដង្ហើមលើបន្ថយការស្ទះច្រមុះ ៕
0 comments:
Post a Comment