ទឹកជួយ ទប់ស្កាត់រោគរលាកក្រពះ
មូលហេតុចម្បងនៃជំងឺរលាកក្រពះ គឺបណ្ដាលមកពីទម្លាប់ទទួលទានពុំបានត្រឹមត្រូវ និង អារម្មណ៍ដែលខ្វះលំនឹង។ យើងតែងតែដឹងអំពីវិធីការពារជំងឺរលាកក្រពះមកហើយថា ត្រូវទទួលទានអាហារឲ្យបានទៀងទាត់ពេល ចៀសវាងអាហាររសជាតិខ្លាំង អាហារពិបាករំលាយ កាហ្វេ ភេសជ្ជៈដែលមានជាតិអាល់កុល ទំពាំអាហារឲ្យម៉ដ្ឋល្អ ហើយកត្តាសំខាន់មួយទៀត គឺមិនត្រូវមានអារម្មណ៍តានតឹងឡើយ។Girl Drinking Water ក្រៅពីការសម្របខ្លួនទៅតាមការរៀបរាប់ខាងលើនេះហើយថ្ងៃនេះយើងមាន គន្លឹះល្អៗ ទាក់ទងទៅនឹងការផឹកទឹកដើម្បីជួយការពារជំងឺរលាកក្រពះមួយវិធីទៀត មកជម្រាបជូនដូចតទៅ៖ “ទឹក” មានចំណែកជួយធ្វើឲ្យអាស៊ីដក្នុងក្រពះអាហារដែលមានកំហាប់ខ្ពស់អាច ចុះខ្សោយបាន អាចនិយាយបានថា អ្នកខ្លះជាពីជំងឺនេះដោយការផឹកទឹក។ ដូច្នេះសូមសាកល្បងធ្វើតាមការណែនាំខាងក្រោម៖ ១-ពេលព្រឹក សូមព្យាយាមផឹកទឹកភ្លាមៗពេលភ្ញាក់ពីដំណេក។ គួរតែផឹកយ៉ាងហោចណាស់ឲ្យបាន ២ កែវ (កែវទំហំ ២៥០ អង្សាសេសេ)។ ២- ចន្លោះពេលថ្ងៃ កាលណាមានអារម្មណ៍ស្រេកទឹកត្រូវផឹកយ៉ាងហោចណាស់មួយកែវ ទុកចន្លោះពេលមួយស្របក់សឹមទទួលទានអាហារនំចំណី ឬបន្លែផ្លែឈើផ្សេងៗតាមក្រោយ។ ៣-ក្នុងមួយថ្ងៃៗ ត្រូវព្យាយាមផឹកទឹកឲ្យបាន ៨-១០ កែវ។
ទឹកដែលយើងផឹក គួរតែជាទឹកដែលមានសីតុណ្ហភាពធម្មតា។ ត្រូវចៀសវាងទឹកក្លាស្សេ ទឹកដាក់ទឹកកក ពីព្រោះវាធ្វើឲ្យក្រពះអាហារដំណើរការមិនល្អ ដែលជាបច្ច័យមិនល្អចំពោះសុខភាព។ ហេតុដូច្នេះហើយយើងមិនគ្រាន់តែចាំក្រើនរំឭកខ្លួនឯងឲ្យផឹកទឹក ឲ្យបានត្រឹមត្រូវតាមក្បួនខ្នាតប៉ុណ្ណោះទេ គឺមិនត្រូវភ្លេចខ្លួនទៅយកទឹកដែលក្លាស្សេក្នុងទូទឹកកកមកផឹកឡើយ។ ផឹកទឹកបានត្រឹមត្រូវតាមក្បួនខ្នាតហើយ ក៏ត្រូវទទួលទានឲ្យបានត្រឹមត្រូវ និង រក្សាអារម្មណ៍ឲ្យមានលំនឹងផងដែរ៕
0 comments:
Post a Comment