យល់ដឹងពីវិធីថែទាំនិងសម្អាតក្លៀកសម្រាប់សុភាពនារី
ក្លៀកជាចំណុចទាក់ទាញ សម្រស់មួយយ៉ាងសំខាន់ផងដែរ។ ជាលក្ខណៈធម្មជាតិស្ដ្រី មិនត្រូវការរោមក្លៀកដូចបុរសទេ។ ស្ដ្រីដែលមានរោមក្លៀក ក្លៀកខ្មៅ ឬក្លៀកមានក្លិននោះ ពិតជាមិនជាទីគយគន់ដល់ កែវភ្នែករបស់អ្នកផងទាំងពួងឡើយ។ស្ដ្រី មាន ក្លៀកមិនល្អ មិនអាចស្លៀកពាក់បែបស៊ិចស៊ី លើកដៃរាំ ឬធ្វើអ្វីមួយបានពេញលេញឡើយ គឺជារឿងមួយគួរឱ្យខ្មាសអៀន។ អ្នកផងទាំងពួងអាចនឹងវិនិច្ឆ័យ លើការសម្អាតខ្លួនប្រាណរបស់លោកស្រី អ្នកនាង កញ្ញាបាន។ ថ្វីត្បិតតែធម្មជាតិបង្កើតមនុស្សមក មិនបានល្អទាំងព្រមក៏ពិតមែនហើយ ប៉ុន្ដែដោយសារការរីកចម្រើន ជឿនលឿននៃវិទ្យាសាស្ដ្រ រឿងធម្មជាតិខ្លះ អាចកែច្នៃបាន។ នារីខ្លះកើតមកមានក្លៀកស ល្អស្រាប់ មិនជ្រួញ និងមិនមានធំក្លិន។ សុភាពនារីខ្លះទៀតឋិត នៅក្នុងភាពជាយុវវ័យ ក្លៀករបស់គាត់មាន សោភ័ណភាពស្អាត។ លុះឈានចូលដល់វ័យ ចាប់ពី៣០ឆ្នាំឡើងទៅ ដោយមិនបានថែរក្សា ក្លៀកផង នាំឱ្យក្លៀករបស់គាត់ប្រែជាខ្មៅ យារ ឬជ្រួញ។ ជាពិសេសស្បែកក្លៀកមានឡើងគ្រាប់ៗ អ្នកខ្លះមានបែកជាសង្វាជាដើម។ បញ្ហាក្លៀកលែងជារឿងគួរឱ្យ បារម្ភទៀតហើយ។ មូលហេតុក្លៀកមានសង្វា និងខ្មៅ
1. ក្លៀកមានសង្វា៖ ស្រីខ្លះធាត់ លើសទម្ងន់ខ្លាំងពេក ធ្វើឱ្យក្លៀកបែកចេញជាសង្វាបាន ឬអាចបណ្ដាលមកពីការប្រើ ប្រាស់ផលិតផលខុស ដូចជាឡេលាយជាដើម។
2. ក្លៀកខ្មៅ៖ សុភាពនារីខ្លះមានក្លៀកខ្មៅ មិនជាទីគយគន់ឡើយ សូម្បីនារីខ្លួនឯងផ្ទាល់ក៏ ធុញថប់នឹងខ្លួនឯងដែរ។ ក្លៀក ខ្មៅ គឺបណ្ដាលមកពីការទម្លាប់ ដករោមក្លៀកជាញឹកញយ។ ស្ដ្រីខ្លះទៀតខ្ជិលដករោមក្លៀក បែរទៅជាជ្រើសរើសយកវិធីកោររោម ក្លៀកវិញ។ ការកោររោមច្រើនដង ធ្វើឱ្យគល់រោមរីកធំ និងមានពណ៌ខ្មៅ។ ប៉ុន្ដែការកោររោមក្លៀកនេះ មានអត្ថប្រយោជន៍ខ្លះដែរ គឺ មិនធ្វើឱ្យក្លៀកយារ ឬជ្រួញ។ មូលហេតុក្លៀកធំក្លិនសា កត្ដាដែលនាំឱ្យមានក្លិនសា មានពីរយ៉ាង គឺក្លិនសាពីកំណើត និងក្លិនសាឆ្លងពីអ្នកដទៃ។ ·
ក្លិនសាពីកំណើត ៖ មនុស្សម្នាក់ៗ កើតមកពី ពូជពង្សខុសៗគ្នា។ អ្នកខ្លះមានក្លិនសាពីកំណើតតែម្ដង គឺនៅពេលធំពេញវ័យ កាលណា ខ្លួនរបស់គាត់ធុំក្លិនសាតែម្ដង ទោះបីជាគាត់ខិតខំសម្អាតខ្លួន យ៉ាងណាក៏ដោយ។ នៅពេលសម្អាតខ្លួនបានមួយម៉ោង ទៅពីរម៉ោងក៏ចាប់ផ្ដើម ធុំក្លិនសាទៀត។ ·
ក្លិនសាឆ្លងពីគេ ៖ គឺបណ្ដាលមកពីកត្ដា ខ្លួនគាត់ផ្ទាល់តែម្ដង ខ្លួនគាត់មានក្លិនសា ដោយឆ្លងពីគេ តាមរយៈសម្លៀកបំពាក់។ នៅពេលគាត់ទៅខ្ចីអាវមិត្ដភក្ដិមកពាក់ ចំអ្នកកើតសា គឺសានេះឆ្លងបានយ៉ាងលឿនបំផុត។
វិធីធ្វើឲ្យក្លៀកស
សព្វថ្ងៃនេះមានផលិតផលព្យាបាលមួយចំនួន ជួយធ្វើឱ្យរោមក្លៀកដុះស្ដើង ហើយមានពណ៌ស ដុះរង្វើលៗ។ លោកអ្នកអាច ប្រើផលិតផលម្យ៉ាង សម្រាប់សម្អាតរោមក្លៀក គឺជាថ្នាំសម្រាប់ជម្រុះរោមក្លៀក។ ដោយលាបវាតែរយៈពេល១០ ឬ១៥នាទី រោម ក្លៀកនឹងជ្រុះដោយឯកឯង ដោយមិនធ្វើឱ្យមានស្លាកស្នាម អ្វីទាំងអស់ដល់ស្បែកក្លៀក។ បន្ទាប់មកសូមយកសំឡី មកជូតសម្អាតចោល រួចហើយលាងទឹកសាប៊ូ ឬទឹកក្ដៅឧណ្ហៗចេញ។ បន្ទាប់មកសូមយកផលិតផល ចិញ្ចឹមស្បែកម្យ៉ាងមកលាបលើស្បែកក្លៀក ដែលជាជំនួយជួយមិនឱ្យស្បែកក្លៀកយឺត ឬយារ។ សូមប្រើផលិតផលនេះ ២ទៅ៣ដងក្នុងមួយថ្ងៃ វាជួយឱ្យស្បែកក្លៀកមិនគ្រើម ធ្វើឱ្យក្លៀក មានសំណើមជានិច្ច និងជួយបណ្ដុះកោសិកាស្បែកមិនឱ្យយារ ឬជ្រួញ។
វិធីព្យាបាលបំបាត់ក្លិនសា
សុភាពនារីអាចប្រើសាច់ជូរ កូរជាមួយទឹកក្ដៅឧណ្ហៗ មកដុសលាងនៅត្រង់បរិវេណក្លៀក ឱ្យបានយ៉ាងហោចណាស់៣ទៅ៤ ដងជារៀងរាល់ថ្ងៃ។ ប៉ុន្ដែការធ្វើបែបនេះគ្រាន់តែបំបាត់ក្លិន ក្នុងរយៈពេលខ្លះតែប៉ុណ្ណោះ។ តែលោកអ្នកត្រូវប្រើប្រាស់ថ្នាំ សម្រាប់លេប និងលាបដើម្បីបំបាត់ក្លិនសាទៀត។ ពេលព្យាបាលក្នុងមួយខែដំបូង ស្ទើរតែបាត់ក្លិន១០០% ហើយចូលដល់ខែទី២ និងខែទី៣ គឺជាសះ ស្បើយដាច់តែម្ដង។ សុភាពនារីនឹងជាសះស្បើយ ក្លៀកនឹងមិនធុំក្លិនទៀតឡើយ។ ប្រសិនបើក្លិនសាដែលកើតឡើង ពីការឆ្លងមកពីអ្នក ដទៃមក ការព្យាបាលមានការឆាប់រហ័សជាង គឺប្រើរយៈពេលព្យាបាលតែមួយខែ សានឹងលែងមកយាយីទៀតហើយ ហើយក៏មិនប៉ះ ពាល់ដល់សុខភាពក្លៀកឡើយ៕
0 comments:
Post a Comment